Na plažy Minskaha mora znajšli cieła zahinułaj 40-hadovaj žančyny, mahčyma, heta samapadpał
Paviedamleńnie ab zahinułaj žančynie ŭ rajonie plaža №4 Zasłaŭskaha vadaschovišča pastupiła ratavalnikam udzień 23 śniežnia. Na žančynie było abharełaje adzieńnie, na ciele — ślady apiokaŭ. Joj było 40 hadoŭ.
25.12.2021 / 13:41
Plaž №4 na Zasłaŭskim vadaschoviščy znachodzicca z boku ahraharadka Ždanovičy, niedaloka ad vioski Zarečča-1 i aŭtadarohi Ždanovičy — Siomkaŭ haradok
Pres-aficer Minskaha rajonnaha adździeła ŭnutranych spraŭ Julija Šakun raskazała mlyn.by:
— Abstaviny zdareńnia vyśviatlajucca. Pavodle papiarednich źviestak, žačnyna žyła ŭ Minsku. Pobač ź ciełam znajšli kanistru z-pad haručaj vadkaści. Apieratyŭniki vyśviatlajuć, što heta była za vadkaść i adkul jana mahła źjavicca. Pa adnoj ź viersij, žančyna mahła sama ablicca bienzinam ci salarkaj i padpalić siabie. Ale heta pakul usiaho tolki viersija.