Белгідрамет перадаў штармавое папярэджанне на панядзелак
02.08.2009 / 14:37
Рэспубліканскі гідраметэацэнтр перадаў штармавое папярэджанне на 3 жніўня.
У асобных раёнах чакаюцца навальніцы, днём па Брэсцкай вобласці пры навальніцах узмацненне ветру парывамі да 15—20 м/с, у паўднёва-заходніх раёнах краіны максімальная тэмпература паветра месцамі павысіцца да плюс 30—31°С.
На Мінск штармавое папярэджанне не распаўсюджваецца.
Днём чакаецца 23—25 градусаў цяпла, к вечару магчымы невялікі кароткачасовы дождж.