U Izraili ad ptušynaha hrypu zahinuli bolš za 5000 žuravoŭ
Ministr achovy navakolnaha asiaroddzia Izraila Tamar Zandbierh nazvała ciapierašniuju žuraŭlinuju epidemiju samaj surjoznaj škodaj dla dzikaj pryrody ŭ historyi krainy, piša Associated Press.
28.12.2021 / 17:46
depositphotos.com
Kala piaci tysiač žuravoŭ štohod pralatajuć Izrail na šlachu ŭ Afryku, a niejkaja kolkaść zastajecca tam na ŭsiu zimu. Sioleta ŭ Izraili zimujuć kala 30 tysiač hetych ptušak.
Izrailskija SMI apublikavali fatahrafii rabočych u biełych achoŭnych kaściumach, jakija źbirajuć trupy žuravoŭ. Jaron Michaeli, pradstaŭnik zapaviednika Chuła-Łejk, dzie ŭ asnoŭnym znachodzicca papulacyja žuravoŭ, skazaŭ, što rabotniki imknucca źbirać trupy jak maha chutčej, bajučysia, što jany mohuć zarazić inšych ptušak.
Ličycca, što epidemija siarod žuravoŭ pačałasia ad kantaktu ź mienšymi ptuškami, jakija, u svaju čarhu, padchapili chvarobu na ptuškafiermach. Pres-sakratar Ministerstva sielskaj haspadarki Dafna Jurysta paviedamiła, što paŭmiljona kurej u hetym rajonie zabivajuć, kab praduchilić raspaŭsiudžvańnie chvaroby.
Ministr achovy navakolnaha asiaroddzia Izraila Tamar Zandbierh nazvała ciapierašniuju situacyju samaj surjoznaj škodaj dla dzikaj pryrody ŭ historyi krainy. Jaje pamier budzie ŭdakładniacca.
Siarod inšych u Izraili mohuć zimavać i žuravy ź Biełarusi.