Пратэсты ў Казахстане прывялі да зніжэння цэн на біткоін
Цана на крыптавалюту зніліася да $44,1 тысячы на фоне сітуацыі ў Казахстане, дзе размешчаныя 18% сусветных магутнасцей па майнінгу крыптавалют. Пра гэта сведчаць звесткі партала Coindesk.
06.01.2022 / 09:50
Нагадаем, Казахстан стаў буйным цэнтрам майнінгу крыптавалют пасля таго, як Кітай летась забараніў здабычу лічбавых грошай. Па стане на жнівень краіна саступала толькі ЗША па аб'ёме энергіі, якая ідзе на майнінг. Папулярнасць краіны сярод майнераў шмат у чым была абумоўленая багатымі запасамі нафты і таннай электраэнергіяй.
У той жа час сусветныя цэны на ўран з-за сітуацыі ў Казахстане выраслі больш як на 17%. На краіну прыпадае 43% сусветнай здабычы.