Google не змагла «адмяніць» рашэнне аб парушэнні антыманапольных законаў у Беларусі
Вярхоўны суд адмовіўся задаволіць патрабаванні Google: кампанія хацела прызнаць несапраўдным рашэнне Міністэрства антыманапольнага рэгулявання і гандлю.
11.01.2022 / 12:47
У чэрвені 2021 года камісія МАРГ устанавіла, што Google парушае антыманапольнае заканадаўства — перадусталёўвае свае праграмы на Android-смартфоны і выстаўляе патрабаванне вытворцам ставіць пакет Google. МАРГ пачало расследаванне пасля скаргі «Яндэкса» у 2019 годзе.
Такім чынам Google можа пагражаць штраф за парушэнне антыманапольнага заканадаўства ў Беларусі, зазначае Dev.by.