Žurnalista Alaksandra Ivulina asudzili na dva hady kałonii
Suddzia Siarhiej Šaciła siońnia ahučyŭ prysud žurnalistu, błohieru i futbalistu.
19.01.2022 / 16:07
Ivulina pryznali vinavatym ŭ «arhanizacyi i aktyŭnym udziele ŭ hrupavych dziejańniach, jakija hruba parušajuć hramadski paradak» i atrymaŭ dva hady kałonii, jak taho patrabavaŭ prakuror.
Spartyŭnamu žurnalistu, błohieru i futbalistu «Krumkačoŭ» Alaksandru Ivulinu inkryminavali «arhanizacyju i aktyŭny ŭdzieł u hrupavych dziejańniach, jakija hruba parušajuć hramadski paradak» (č. 1 art. 342).
Alaksandra zatrymali 3 červienia i pieršapačatkova jon atrymaŭ 30 sutak administracyjnaha aryštu nibyta za ściah na bałkonie. Adnak na svabodu nie vyjšaŭ, jaho pieraviali ŭ SIZA, paźniej stała viadoma, što na žurnalista zaviedzienaja kryminalnaja sprava.