Eskałacyja raście. Dva dyvizijony rakietnych kompleksaŭ S-400 adpravilisia ŭ Biełaruś, Javelin i Stinger pastupiać va Ukrainu
Dva dyvizijony zienitnych rakietnych kompleksaŭ S-400 «Tryumf» pačali pieradysłakacyju ŭ Biełaruś, dzie zastupiać na navučalnaje bajavoje dziažurstva ŭ ramkach pravierki sił reahavańnia Sajuznaj dziaržavy.
21.01.2022 / 08:31
Fota: arm-expo.ru
Pra heta paviedamili žurnalistam u Minabarony Rasii, piša TASS.
«Dva dyvizijony zienitnych rakietnych kompleksaŭ S-400 «Tryumf» abjadnańnia Vajenna-pavietranych sił i Supraćpavietranaj abarony Uschodniaj vajskovaj akruhi, zadziejničanyja ŭ praviercy sił reahavańnia Sajuznaj dziaržavy, ździejśnili marš na stancyju pahruzki ŭ Chabaraŭskim krai. Padraździaleńni SPA zrobiać marš kambinavanym sposabam na čyhunačnym transparcie i svaim chodam na nieznajomyja palihony Respubliki Biełaruś», — skazali ŭ vajskovym viedamstvie.
Pavodle infarmacyi ministerstva, paśla prybyćcia da miescaŭ vykanańnia navučalnych zadač rasijskija vajskoŭcy abstalujuć pazicyi i «zastupiać na navučalnaje bajavoje dziažurstva pa SPA ŭ składzie adzinaj rehijanalnaj sistemy SPA Biełarusi i Rasii».
Stała taksama viadoma, što ZŠA dazvolili krainam Bałtyi pastavić va Ukrainu supraćtankavyja kompleksy Javelin i zienitnyja rakiety Stinger.