Brytaniec davieryŭ 10-hadovaj dačce zamović jamu «Bih Mak». I voś što jamu pryvieźli FOTAFAKT
42-hadovy Haz Hryfin z horada Bołtan paprasiŭ svaju dačku Kiełsi zamović jamu standartny burhier praz mabilnuju prahramu.
21.01.2022 / 15:16
Pakul baćka prybiraŭsia ŭ svaim pakoi, 10-hadovaja dziaŭčynka ŭniesła ŭ zamovu źmieny. Jana prybrała katlety, ahurki, sałatu, cybulu, bułki z kunžutam i sous, piša The Mirror.
Paśla Kiełsi ŭsio ž vyrašyła dadać sous i vybrała vialikuju porcyju.
U vyniku za 6,29 funta (22 rubli) brytancu pryvieźli karobku z adnym kavałkam syru i porcyju sousu asobna.
Pa słovach Hryfina, jon spačatku nie zrazumieŭ, što adbyłosia, ale manipulacyi dački jaho naśmiašyli. Taksama dla jaho zastałosia zahadkaj, pra što dumali supracoŭniki «Makdonaldsa», kali źbirali zamovu.
U sacsietkach z historyi žartujuć, što heta samy darahi kavałak syru ŭ historyi, a taksama što heta idealny «Bih Mak» dla viehietaryjancaŭ.