U Lidzie na pažary paciarpieła dvuchmiesiačnaje dzicia
24 studzienia ŭ dvuchkvaternym žyłym domie na vulicy Łupava ŭ Lidzie adbyŭsia pažar, paviedamlaje pres-słužba MNS. Paciarpieła haspadynia adnoj z kvater i jaje dvuchmiesiačnaje dzicia.
24.01.2022 / 19:00
Fota: MNS.
Supracoŭniki MNS vyśvietlili, što haspadynia kvatery, žančyna 1987 hoda naradžeńnia, znachodziłasia na vierandzie, kali adčuła pach harełaha. Jana zabiehła ŭ pakoj, schapiła syna, vybiehła ŭ dvor i źviarnułasia pa dapamohu da susiedziaŭ. Tyja vyklikali «chutkuju dapamohu» i MNS.
Maci i dzicia špitalizavanyja, chłopčyk atrymaŭ apioki 8% cieła. Susiedniaja kvatera nie paciarpieła.
Jak miarkujuć, pažar pačaŭsia z-za nieaściarožnaha vykarystańnia śviečki.