«Pakoj, ściana, dva sercy na lusterku»: Paŭła Biełavusa pieraviali ŭ kamieru, dzie raniej była Maryja Kaleśnikava
«Pačućcio, nibyta spaźniŭsia na sustreču», — Pavieł Biełavus skłaŭ vierš z hetaj nahody.
26.01.2022 / 08:39
Fota: BiełTA / Reuters
Pakoj, ściana, dva sercy na lusterku.
I pach žanocki — tut była jana.
Ciapier tut ja, nibyta na chvilinku
Spaźniŭsia na sustreču da vidna.
Była adna i hreła tolki koŭdra.
Draŭlany stoł, ałoŭki, sšytak, notki.
Znajšoŭ paštoŭki «Ja z taboj», «Usio budzie dobra».
A źnizu podpis prosty — em dy kropki.
Zasnavalnik kramy symbal.by Pavieł Biełavus znachodzicca za kratami ŭžo bolš za 2 miesiacy, z 15 listapada.
Jaho trojčy asudzili pa administracyjnych spravach (na 15, 13 i 7 sutak), a paśla jon staŭ padazravanym pa kryminalnaj spravie (č. 1, art. 342) i byŭ pieraviedzieny ŭ SIZA.