ЗША не будуць адпраўляць ва Украіну вайскоўцаў
Прэзідэнт ЗША Джо Байдэн не плануе адпраўляць войскі ва Украіну. Любыя рашэнні аб разгортванні войскаў будуць прымацца разам з НАТА.
26.01.2022 / 09:02
Джэн Псакі,. Фота Getty Images
«Проста для яснасці: у прэзідэнта няма ні намераў, ні цікавасці, ні жадання адпраўляць войскі ва Украіну. НАТА быў сфармаваны, каб падтрымліваць нашых партнёраў і краіны на «ўсходнім флангу», і менавіта на гэтым мы факусуемся», — цытуе словы прэс-сакратара Белага дома Джэн Псакі «РБК-Украіна».
Яна дадала, што рашэнне аб тым, ці будуць 8 500 амерыканскіх ваенных, прыведзеных у баявую гатоўнасць раней, у выніку накіраваныя на «усходні фланг», будзе прымацца сумесна з партнёрамі па НАТА.