Папулярны твітар-блогер Gypsynkov усё ж затрыманы
ГУБАЗіК апублікаваў відэа з затрыманым аўтарам твітэр-акаўнта Gypsynkov, звярнула ўвагу «Медыязона».
29.01.2022 / 20:36
Скрын відэа
На відэа Міхаіл Цыганкоў кажа, што ўдзельнічаў у пратэстах і «скідаў інфармацыю аб перамяшчэнні сілавікоў».
Асобу затрыманага з відэа ГУБАЗіК «Медыязоне» пацвердзіў чалавек, які ведае, як выглядае Цыганкоў.
На відэа блогер кажа, што зараз працуе праграмістам у EPAM, а ў жніўні 2020 года наведваў пратэсныя маршы.
«Быў у чаце Infopoint, скідаў інфармацыю аб перамяшчэнні сілавікоў. У гэтым чаце таксама былі Матолька, Пуціла і Белавус. У цяперашні момант затрыманы супрацоўнікамі міліцыі», ‒ кажа Цыганкоў на камеру.
Цыганкоў вёў папулярны твітар-акаўнт Gypsynkov, жарты з якога разыходзіліся па ўсяму Байнэту.
Пра яго затрыманне паведамляла ўчора «Вясна». Але пасля гэтага ў акаўнце Gypsynkov з’явіліся новыя допісы.