Ad uskładnieńniaŭ karanavirusa pamior viadomy ekstremał Ivan Krasoŭski. Jamu było 40 hod
Pamior viadomy biełaruski ekstremał Ivan Krasoŭski, paviedamlaje Sputnik sa spasyłkaj na blizkich pamierłaha. Pryčynaj śmierci stali ŭskładnieńni, vyklikanyja karanavirusnaj infiekcyjaj. Mužčynu było ŭsiaho 40.
29.01.2022 / 21:31
U 2018 hodzie Ivan Krasoŭski staŭ šyroka viadomy svajoj mužnaściu. Jon upaŭ z paratrajka. Piłot atrymaŭ traŭmu plača, nalacieŭšy na jełku. Zdymak Ivana ź biervianom u plačy šyroka razyšoŭsia ŭ internecie.
Ivan Krasoŭski skaryŭ karystalnikaŭ internetu svajoj mužnaściu. Bierviano «prašyła» jaho plačo.
Miedyki tady kazali, što mužčynu pašancavała.
‒ Naš śviet dla taho, kab tut praktykavacca, nabracca dośviedu. Voś ja zaraz nabirajusia vopytu. Jość staražytnaja mudraść: viek žyvi ‒ viek vučysia. Tamu ŭličvajem pamyłki, prybirajem ich i ruchajemsia dalej, ‒ kazaŭ paśla taho nadzvyčajnaha zdareńnia Ivan Krasoŭski ŭ intervju TUT.BY.