Мінздароўя: Ранішнія чэргі ў паліклініках не звязаныя з ростам колькасці выпадкаў «амікрона»
Ранішнія чэргі ў паліклініках не звязаныя з ростам колькасці выпадкаў заражэння «амікронам». Пра гэта заявіла сёння на брыфінгу намесніца міністра аховы здароўя Алена Краткова.
31.01.2022 / 16:25
Па словах Кратковай, чэргі ў паліклініках былі выкліканыя жаданнем вялікай колькасці грамадзян прайсці тэст на інфекцыю ў ранішнія гадзіны.
«На цяперашні момант чэргаў у паліклініках не назіраецца», — сказала намесніца міністра. Брыфінг скончыўся ў 13 гадзін, і пра чэргі пісалі паведамленні ці не з усёй краіны.