Palitźniavoleny Aleś Kapucki nie vyjšaŭ na volu i siońnia. Jon siadzić užo 45 sutak
Pravaabaroncu Alesia Kapuckaha zatrymali 17 śniežnia ŭ Maładziečnie. Na jaho skłali pratakoł pa č. 2 art. 19.11 KaAP (raspaŭsiudžvańnie ekstremisckich materyjałaŭ), a potym aryštavali na 15 sutak. A paśla dva razy dadali jašče pa 15, paviedamlaje «Viasna».
31.01.2022 / 19:58
Pieršy raz Aleś musiŭ vyjści na volu 1 studzienia, ale na jaho skłali novy pratakoł. 31 śniežnia nad pravaabaroncam adbyŭsia sud. Jaho pakarali čarhovym 15-sutačnym aryštam.
Ale i 16 studzienia Kapucki na volu nie vyjšaŭ — jamu znoŭ prysudzili 15 sutak aryštu.
Siońnia Aleś znoŭ pavinien byŭ vyjści na volu, ale hetaha nie adbyłosia. Pa papiaredniaj infarmacyi, zaŭtra adbudziecca čarhovy sud.