Siaredniaja zarpłata va Ukrainie ŭpieršyniu pieravysiła 600 dalaraŭ
Za hod jana vyrasła na 22 pracenty, a ŭ rabotnikaŭ sielskaj haspadarki — ažno na 48%.
01.02.2022 / 09:02
Fota Unplash
Siaredniaja zarabotnaja płata štatnaha rabotnika va Ukrainie ŭ śniežni 2021 hoda składała 17453 hryŭniaŭ (kala 615 dalaraŭ pa kursie na siońnia) — heta ŭ 2,7 raza vyšej za ŭzrovień minimalnaha zarobku (6500 hryŭniaŭ, 229 dalaraŭ).
Adnosna śniežnia 2020 hoda siaredni zarobak va Ukrainie vyras na 23,1%. Realnyja zarobki, ačyščanyja ad inflacyi, vyraśli na 12% za hod — adzin z najlepšych pakazčykaŭ va ŭschodniaj Jeŭropie.
U toj ža čas varta pamiatać, što zarobki ŭ śniežni tradycyjna bolšyja za košt dadatkovych vypłat rabotnikam, u pryvatnaści — hadavych premij.
U Biełarusi siaredni zarobak za śniežań skłaŭ 1675 rubloŭ 30 kapiejek. U paraŭnańni ź listapadam jon vyras na 200 rubloŭ za košt dadatkovych vypłat. Pa siarednim kursie za śniežań heta 661,78 dalara, pa kursie na siońnia — 644 dalara.