U Biełarusi mohuć źjavicca kubinskija vakcyny ad karanavirusa
5.02.2022 / 11:41
Prezientacyja kubinskich vakcyn dla prafiłaktyki karanavirusnaj infiekcyi prajšła 3 lutaha ŭ centry ekśpiertyz i vyprabavańniaŭ u achovie zdaroŭja Ministerstva achovy zdaroŭja. Dyrektar Centra Dźmitryj Hryńko sustreŭsia z pasłom Kuby Chuanam Valdesam Fihieroa.
Fota: Yakobchuk / depositphotos.com
«Na sustrečy Chuan Valdes Fihieroa padzialiŭsia infarmacyjaj ab dasiahnieńniach u halinie raspracoŭki vakcyn, u tym liku i dla prafiłaktyki karanavirusnaj infiekcyi Abdała (Abdala) i Sobierana (Soberana), a taksama pra mahčymaści kubinskaj farmaceŭtyčnaj haliny ŭ cełym»,
— paviedamili ŭ Minzdaroŭja.
Taksama, pavodle infarmacyi viedamstva, kubinski bok cikaviŭsia padychodami rehistracyi lekavych srodkaŭ i miedycynskich vyrabaŭ na nacyjanalnym uzroŭni i ŭzroŭni JEAES. Abmiarkoŭvalisia pytańni supracoŭnictva ŭ śfiery zvarotu lekavych preparataŭ i miedycynskich vyrabaŭ.