Kolki ŭ Biełarusi advakataŭ na hety momant
Jašče niadaŭna ich było bolš za 2000.
07.02.2022 / 12:12
Advakat Maksim Znak atrymaŭ 10 hadoŭ kałonii. Fota: BiełTA / Reuters
1868 — stolki advakataŭ ciapier pracuje ŭ Biełarusi, vynikaje sa źviestak Miniusta. Jašče niadaŭna ich było bolš za 2000, napisaŭ Dźmitryj Łajeŭski, były abaronca Viktara Babaryki, pazbaŭleny advakackaj licenzii.
«Na 1 studzienia 2022 hoda ŭ ich u Miniuście značyłasia 1868 advakataŭ. Heta na bolš čym 9 młn nasielnictva RB. Nie husta. Uličvajcie, što z hetych 1868 daloka nie ŭsie aktyŭna praktykujuć, a kryminalnaj abaronaj zajmajucca (nie zakranajučy pytańnie ab jakaści) nie bolš za pałovu ad hetaj kolkaści», — źviartaje ŭvahu Łajeŭski.
Za apošnija paŭtara hoda dziasiatki advakataŭ byli pazbaŭlenyja licenzij, niekatoryja vyjšli z składu kalehij samastojna. Taksama byŭ pryniaty novy zakon ab advakatury, pavodle jaho abaroncy nie mohuć pracavać indyvidualna abo ŭ advakackim biuro — tolki ŭ składzie jurydyčnych kansultacyj, nahadvaje Deutsche Welle.