U Dokšycach žančyna sudziłasia, kab jaje maci zapisali nie biełaruskaj, a polkaj
Žycharka Dokšyckaha rajona źviarnułasia ŭ miascovy ZAHS ź niezvyčajnaj prośbaj — vypravić u paśviedčańni ab naradžeńni nacyjanalnaść maci z «biełaruska» na «polka». Žančynie ŭ hetym admovili, i tady jana pajšła ŭ sud, pišuć «Narodnyja naviny Viciebska».
10.02.2022 / 23:26
21 studzienia padčas pasiadžeńnia suda Dokšyckaha rajona vyśvietliłasia, što, niahledziačy na toje, što ŭ paśviedčańni ab naradžeńni pazoŭnicy maci zapisanaja biełaruskaj, u takim ža dakumiencie jaje rodnaj siastry abodva baćki paznačanyja palakami.
U sudzie taksama vystupili dva śviedki, jakija paćvierdzili, što baćki pazoŭnicy sapraŭdy pa nacyjanalnaści byli palakami.
U vyniku sud vyrašyŭ zadavolić skarhu žančyny na admovu orhanaŭ ZAHS unieści vypraŭleńni ŭ zapis jaje akta ab naradžeńni. Adździeł ZAHS Dokšyckaha rajvykankama abaviazali ŭnieści vypraŭleńni ŭ zapis akta ab naradžeńni, paznačyŭšy ŭ im, što nacyjanalnaść maci žančyny — polka.