Лукашэнка і Пуцін сустрэнуцца да канца тыдня
У Крамлі пацвердзілі дамоўленасць аб сустрэчы Уладзіміра Пуціна і Аляксандра Лукашэнкі, яна можа адбыцца да канца тыдня, заявіў прэс-сакратар расійскага кіраўніка Дзмітрый Пяскоў.
14.02.2022 / 14:44
Фота: ТАСС
«Так, такая сустрэча рыхтуецца, мы разлічваем, што да канца тыдня яна адбудзецца», — сказаў Пяскоў журналістам, адказваючы на пытанне аб падрыхтоўцы мерапрыемства.
На сустрэчы Лукашэнка і Пуцін абмяркуюць сумесныя праекты ў энергетыцы і эканоміцы. Таксама будзе абмяркоўвацца прасоўванне далейшай інтэграцыі Расіі і Беларусі.
«На парадку дня актуальныя пытанні далейшага развіцця двухбаковых сувязяў, рэалізацыя сумесных праектаў у гандлёва-эканамічнай, энергетычнай і культурна-гуманітарнай сферах, а таксама тэматыка прасоўвання інтэграцыі ў рамках Саюзнай дзяржавы», — пазначана ў паведамленні.
Адказваючы на пытанне журналістаў, прэс-сакратар прэзідэнта Расіі Дзмітрый Пяскоў не выключыў абмеркавання сітуацыі і затрыманай у Мінску расіянкай Сафіі Сапегі. Пяскоў падкрэсліў, што дэ-юрэ Расія можа звярнуцца да Мінскау з прапановай аб перадачы Сапегі расійскаму боку.