Пачалі судзіць былога намесніка старшыні Шчучынскага райвыканкама
У судзе Кастрычніцкага раёна Гродна пачаўся працэс над былым першым намеснікам старшыні Шчучынскага райвыканкама Анатолем Тодрыкам. Ён курыраваў сельскую гаспадарку. Чыноўніка затрымалі на пачатку 2021 года.
16.02.2022 / 11:21
Анатоль Тодрык, фота: dzyannica.by
Тодрык абвінавачвацца па трох артыкулах крымінальнага кодэкса: злаўжыванне ўладай, атрыманне хабару, крадзеж шляхам злоўжывання.
Выстаўленыя Тодрыку абвінавачванні ўключаюць паняцце «асабліва буйнога памеру», то-бок, больш за 1000 базавых. На сёння гэта больш за 32 тысячы рублёў.
Анатолю Тодрыку пагражае да 15 год пазбаўлення волі і канфіскацыя маёмасці.