U Hrodnie nieviadomy entuzijast łataje vyboiny na chodnikach mazaičnymi kampazicyjami
Chutčej za ŭsio, majstar-pačatkoviec natchniŭsia prykładam łijonskaha vuličnaha mastaka Ememem, piša «Hrodzienskaja praŭda».
15.02.2022 / 23:39
Pačynajučy z minułaha hoda, haradžanie i hości Hrodna mohuć nazirać u centralnaj častcy horada z dziasiatak niezvyčajnych ukrapleńniaŭ mazaiki ŭ miescach paškodžanaj tratuarnaj plitki. Ich možna pabačyć na Savieckaj płoščy, kala handlovaha doma «Batoryja», pobač z pomnikam maršału Sakałoŭskamu.
Ale da hetaha času taho čałavieka, jaki zakładaje prastoru na miescy raźbitaj plitki dekaratyŭnaj kalarovaj mazaikaj, vyličyć nie ŭdajecca. Vysokim mastackim vykanańniem praca pakul nie adroźnivajecca, dy i majsterstva kładki mazaiki nie asabliva ŭražvaje. Ale sama inicyjatyva zasłuhoŭvaje pavahi.
Chutčej za ŭsio, majstar-pačatkoviec natchniŭsia prykładam łijonskaha vuličnaha mastaka Ememem. Toj užo zvyš dziesiaci hadoŭ łataje dzirki na tratuarach, darohach i ścienach budynkaŭ u Francyi i Italii, adnačasna pieratvarajučy ich u pryvabnyja art-abjekty. Zakładvaje ŭsio kavałačkami kieramiki, dreva, bitumu. Vyniki ŭłasnych prac majstar fatahrafuje i vykładaje ŭ Instagram, pryciahvajučy ŭvahu da prablem u źmieście haradskoj infrastruktury i adnačasova zachaplajučy svaimi tvorami zvyš 90 tysiač padpisčykaŭ.
Ememem nazvaŭ stvorany im vyhlad vuličnaha mastactva Flacking, što ŭ pierakładzie na biełaruskuju aznačaje «vyraŭnoŭvańnie», a ŭ interpretacyi samoha tvorcy — mastackaje adnaŭleńnie paškodžańnia, abo «vieršy, jakija mohuć pračytać usio». Jon pryjšoŭ da vysnovy, što heta i jość sprava ŭsiaho jaho žyćcia.