Sud nad Jahoram Marcinovičam i Andrejem Skurko pačniecca 28 lutaha
Stała viadoma, kali pačniecca sud nad hałoŭnym redaktaram «Našaj Nivy» Jahoram Marcinovičam i načalnikam adździeła markietynhu Andrejem Skurko.
16.02.2022 / 13:14
Spravu buduć razhladać z 28 lutaha ŭ sudzie Zavodskaha rajona Minska, sudździa — Anžeła Kaściukievič. Pačatak u 14:30, sudovaja zała 32.
Jahora Marcinoviča i Andreja Skurko abvinavačvajuć u «naniasieńni majomasnaj škody biez prykmiet kradziažu, ździejśnienaje hrupaj asob pa papiarednim zhavory, u bujnym pamiery».
Našy kalehi znachodzicca ŭ turmie z 8 lipienia 2021 hoda.
U toj dzień zatrymali cełuju hrupu našaniŭcaŭ, tady ž adbyŭsia pahrom u ofisie, sajt byŭ zabłakavany.
Pravaabaroncy pryznali Jahora Marcinoviča i Andreja Skurko palitźniavolenymi, abvinavačvańni suprać ich ličać palityčna matyvavanymi. Ich vyzvaleńnia zapatrabavała Biełaruskaja asacyjacyja žurnalistaŭ i mižnarodnyja žurnalisckija sajuzy.
Za 2021 hod kryminalnyja spravy na roznych padstavach byli zaviedzienyja suprać kiraŭnikoŭ i žurnalistaŭ i inšych niezaležnych ŚMI, u tym liku Tut.by, BiełaPAN, «Biełsat», «Radyjo Svaboda».