Biełaruski bank trapiŭ pad novyja sankcyi ZŠA praz pryznańnie Rasijaj «DNR» i «ŁNR»

Biełaruskaja «dačka» rasijskaha Źniešekanambanka (VEB) BiełVEB trapiła pad sankcyi ZŠA, uviedzienyja paśla pryznańnia Rasijaj ŁNR i DNR. Ab hetym paviedamlajecca ŭ raspaŭsiudžanym 22 lutaha pres-relizie Minfina ZŠA.

23.02.2022 / 08:14

22 lutaha ŭłady ZŠA ŭviali abmiežavańni ŭ dačynieńni da banka VEB i 25 jaho daččynych pradpryjemstvaŭ, uklučajučy fininstytuty, vuhlezdabyŭčuju kampaniju ŭ Rasii i troch inšych krainach. U pryvatnaści, pad sankcyi ZŠA trapiła biełaruskaja «dačka» VEBa — bank BiełVEB.

Ministerstva finansaŭ ZŠA zahadała amierykanskim kampanijam i asobam zaviaršyć apieracyi z rasijskim bankam VEB i jaho daččynymi pradpryjemstvami da 24 sakavika 2022 hoda.

Sankcyi pa linii amierykanskaha Minfina zvyčajna aznačajuć błakavańnie aktyvaŭ ŭ amierykanskaj jurysdykcyi i zabaronu na ździełki dla fizičnych i jurydyčnych asob ZŠA.

Nahadajem, u 2014 hodzie BiełVEB taksama zakranuli siektaralnyja sankcyi ZŠA, uviedzienyja suprać Rasii. Minułyja sankcyi praduhledžvali abmiežavańni ŭ pradastaŭleńni doŭhaterminovaha finansavańnia z boku fizičnych i jurydyčnych asob ZŠA ŭ adnosinach da daŭhavych abaviazacielstvaŭ terminam finansavańnia bolš za 14 dzion, nahadvaje Zerkalo.io.

Nashaniva.com