Represiŭny kanviejer nie spyniajecca, zatrymańni iduć pa ŭsioj krainie
Pravaabaroncy paviedamlajuć pra zatrymańni, jakija prajšli ŭ Minsku i rehijonach apošnimi dniami.
23.02.2022 / 19:18
23 lutaha na vychadzie z kvatery supracoŭnikami HUBAZiK byŭ zatrymany minčuk Andrej Biaśko. U jaho kvatery, a taksama ŭ kvatery jaho maci prajšli pieratrusy. Byli vyniaty płanšet, noŭtbuk i telefon syna. Viadoma, što Andreja pavieźli ŭ Kastryčnicki RUUS.
22 lutaha ŭ stalicy byli zatrymany nastaŭnica anhlijskaj movy Hanna Barysovič i dźvie jaje dački — Jana i Taćciana Barysovič. Doma ŭ ich prajšoŭ vobšuk u miežach kryminalnaj spravy. Taksama paviedamlajecca pra zatrymańnie ŭ Minsku ŭ hety dzień Uładzimira Sapiehi.
U Biełaaziorsku 23 lutaha kala 7 ranicy zatrymali dla hutarki Uładzimira Zubryckaha. Sutnaść spravy pakul nieviadomaja.