Patrebnyja donary. Žurnalist Alaksandr Tamkovič u špitali. Dačka prosić zdać kroŭ dla pieralivańnia
Dačka žurnalista Alaksandra Tamkoviča prosić ludziej zdavać kroŭ, kab možna było zrabić pieralivańnie baćku.
24.02.2022 / 10:49
Pavodle jaje słoŭ, u balnicy ahučyli takuju dumku: «Jon u vas pamiraje, a ŭ nas kryvi i tak mała. Kali niechta dla jaho zdaść naŭzamien, to pieraljom».
«Tata znoŭku trapiŭ u špital, jamu patrebnaje pieralivańnie kryvi (vielmi nizki hiemahłabin) i kampanientaŭ (trambacyty). Pry jahonym terminalnym dyjahnazie iduć na heta nieachvotna, asabliva kali kazać pra trambacyty.
Dakładnaj infarmacyi nakont pracedury metavaha donarstva nidzie, na žal, znajści nie mahu, napisała zapyty, ale kali adkažuć, nieviadoma. Tamu prašu, kali majecie takuju mahčymaść, zdajcie kroŭ, na miescy sprabujučy adrasavać jaje kankretna dla taty, Alaksandra Tamkoviča. Jon u treciaj balnicy ŭ Minsku. Data naradžeńnia 09/11/1963. Hrupa kryvi značeńnia nie maje».
U Alaksandra Tamkoviča dyjahnastavany rak.