Minabarony druhi dzień nijak nie kamientuje situacyju z rasijskimi vojskami, što iduć va Ukrainu praź Biełaruś
Minabarony nie kamientuje ni situacyju z rasijskimi vojskami, što iduć praź Biełaruś va Ukrainu, ni zapuski rakiet z našaj terytoryi. Hałoŭnyja naviny na sajcie ministerstva — pryzyŭ aficeraŭ zapasa i daterminovaje hałasavańnie ministra.
25.02.2022 / 17:22
Učora «Naša Niva» dazvaniłasia da pres-sakratarki ministerstva abarony Biełarusi. Inna Harbačova zajaviła, što kamientaryi buduć na sajcie ministerstva.
Adnak tam jość tolki kamientaryj nakont adsutnaści biełaruskich vojsk u Danbasie. Inšych kamientaryjeŭ niama.
Miž tym, u aficyjnym telehram-kanale ministerstva siońnia źjaviŭsia rolik nakont refierendumu pa źmienach u Kanstytucyju «Mama, tata, ja — tradycyjnaja siamja».