Польшча адмаўляецца гуляць з Расіяй у плэй-оф Чэмпіянату свету
Прэзідэнт польскага футбольнага саюза Цэзары Кулеша падкрэсліў, што зборная адмаўляецца гуляць супраць Расіі ў стыкавым матчы адбору ЧС — 2022.
26.02.2022 / 13:06
Фота Czarek Sokolowski, AP
«Вядома, час дзейнічаць. Праз абвастрэнне агрэсіі Расіі ў дачыненні да Украіны каманда Польшчы не мае намеру гуляць матч плэй-оф супраць Расіі. Гэта адзінае правільнае рашэнне.
Вядзем перамовы з федэрацыямі Швецыі і Чэхіі, каб данесці агульную пазіцыю ў ФІФА».
Яго таксама падтрымаў кіраўнік Польшчы Анджэй Дуда, напісаўшы: «І правільна, спадар прэзідэнт. З бандытамі не гуляюць!».