ZŠA: Rasija ŭsio bolš rasčaravanaja rašučym supracivam ukraincaŭ
Złučanyja Štaty miarkujuć, što siły Rasii ŭsio bolš rasčaravanyja žyćciazdolnym i vielmi rašučym ukrainskim supracivam, u toj čas jak Maskva ŭvodzić va Ukrainu ŭsio bolš i bolš vojskaŭ.
26.02.2022 / 23:30
Fota Viačasłava Racińskaha, UNIAN
Pra heta, jak piša Reuters, u subotu zajaviŭ vysokapastaŭleny čynoŭnik ź siektara abarony ZŠA.
Čynoŭnik, jaki havaryŭ na ŭmovach ananimnaści, taksama skazaŭ, što rasiejskija kamandziry, vidavočna, nie padrychtavali dastatkovuju kolkaść paliva i bazavaj łahistyčnaj padtrymki, i ciapier sprabujuć «prystasavacca».
Pradstaŭnik Ministerstva abarony ZŠA adznačyŭ, što Vašynhton bačyć prykmiety «žyćciazdolnaha ŭkrainskaha supracivu».
«My viedajem, što jany nie dasiahnuli taho prahresu, jakoha chacieli dasiahnuć, asabliva na poŭnačy. Jany byli rasčaravanyja ŭbačanym vielmi rašučym supracivam», — skazaŭ čynoŭnik, nie ŭdakładniŭšy krynicy amierykanskaj raźviedki, jakija stajać za hetaj acenkaj.