Ad Hiercharda Šrodera syšli ŭsie supracoŭniki jaho biuro eks-kanclera
Ad byłoha kanclera Niamieččyny Hiercharda Šrodera, jaki ciesna supracoŭničaje z Kramlom i rasijskim naftahazavym siektaram, syšli ŭsie čatyry supracoŭniki jaho biuro ŭ bundestahu — pra heta paviedamlaje hazieta Die Welt.
01.03.2022 / 14:25
Hierchard Šroder. Fota: Sean Gallup, Getty Images
«Ja pacviardžaju, što čatyry supracoŭniki biuro paprasili pieravieści ich na inšyja pasady», — skazaŭ haziecie zahadčyk biuro i śpičrajtar Šrodera ŭ apošnija 20 hadoŭ Albrecht Funk, dadaŭšy, što asudžaje šefa za toje, što toj admaŭlajecca asudzić Pucina za raźviazvańnie vajny z Ukrainaj.
Byłym kancleram u Hiermanii dajecca vialikaja piensija, a taksama hrošy na ŭtrymańnie ŭłasnaha biuro, piša Bi-bi-si.
Hierchard Šroder paśla sychodu z pasady kanclera ŭ 2005 hodzie pierajšoŭ na rasijski zarobak i łabiravaŭ rasijskija enierhietyčnyja prajekty: jon źjaŭlajecca staršynioj naziralnaj rady dyrektaraŭ dziaržaŭnaj naftavaj kampanii «Rasnafta» i staršynioj kamiteta akcyjanieraŭ kampanii Nord Stream AG, apieratara hazapravoda «Paŭnočny patok».