Apieratyŭna-taktyčnaja hrupiroŭka «Uschod»: Dakumienty na vajnu z Ukrainaj byli padpisanyja jašče ŭ siaredzinie studzienia
«U našym rasparadžeńni jość płanavaja dakumientacyja adnaho z padraździaleńniaŭ bataljonna-taktyčnaj hrupy 810-j asobnaj bryhady marskoj piachoty Čarnamorskaha fłotu Rasijskaj Fiederacyi» — havorycca ŭ paviedamleńni.
02.03.2022 / 18:51
«U našym rasparadžeńni jość płanavaja dakumientacyja adnaho z padraździaleńniaŭ bataljonna-taktyčnaj hrupy 810-j asobnaj bryhady marskoj piachoty Čarnamorskaha fłotu Rasijskaj Fiederacyi.
Na padstavie atrymanaj infarmacyi viadoma, što dakumienty płanavańnia vajny z Ukrainaj byli zaćvierdžanyja 18 studzienia 2022 hoda, a sama apieracyja pa zachopie Ukrainy pavinna prajści na praciahu 15 dzion, a mienavita z 20.02. da 06.03.
Padraździaleńnie praciŭnika pavinna było vysadzicca ź vialikaha desantnaha karabla «Orsk» u rajonie nasielenaha punkta Ściapanaŭka-1 i dalej dziejničać z vajskovymi častkami 58-j armii RF, a mienavita z 177-m asobnym pałkom marskoj piachoty Čarnamorskaha fłotu Rasii.
Kančatkovaj metaj hetych sił była błakada i ŭziaćcie pad kantrol Mielitopala».