Marharyta Laŭčuk zapisała antyvajenny videazvarot da brata-desantnika z 38-j bryhady. I atrymała videaadkaz
4.03.2022 / 22:12
Stryječny brat opiernaj śpiavački Marharyty Laŭčuk słužyć u 38-j desantna-šturmavoj bryhadzie ŭ Breście, i siastra, daviedaŭšysia z navin, što hetuju bryhadu źbirajucca adpravić vajavać u Ukrainu, sa ślazami na vačach prasiła jaho admovicca ad hetaha.
Adkaz atrymany vielmi chutka, i taksama ŭ videaformie.
Infarmacyju pra toje, što bryhadzie dadzieny zahad nastupać va Ukrainu i hramić jaje, stryječny brat Laŭčuk nazyvaje fejkam, adnosna miesca znachodžańnia skazaŭ, što heta asnoŭnaje miesca prachodžańnia słužby. I paraiŭ stryječnaj siastry vieryć faktam, a nie fejkam.
Pres-słužba Ministerstva abarony prakamientavała apošnija słovy tak, što vajskoviec «pa-bracku paraiŭ čytać aficyjnyja krynicy infarmacyi». Ale takich słoŭ u hetym manałohu nie prahučała.