Pamiatajecie deputata Rady Jaŭhiena Šaŭčenku, jaki jeździŭ niekalki razoŭ da Łukašenki? Jaho zatrymali
Pry sprobie pierasiačeńnia miažy z Polščaj Słužba biaśpieki Ukrainy zatrymała deputata Jaŭhiena Šaŭčenku, piša «Ukrainskaja Praŭda» sa spasyłkaj na krynicy ŭ siłavych strukturach.
07.03.2022 / 22:12
Šaŭčenku dastavili ŭ Kijeŭ.
Raniej pra heta paviedamlaŭ i Juryj Vaskrasienski.
Šaŭčenka sapraŭdy ŭ apošni hod staŭ u Biełarusi šyroka viadomy jak aktyŭny prychilnik Łukašenki i jahony palityčny łabist va Ukrainie. Z samaha pačatku biełaruskich paślavybarčych pratestaŭ jon šmat vykazvaŭsia na biełaruskija temy, na ŭsie łady raschvalvajučy režym i ŭsialak hańbiačy jahonych apanientaŭ, nie spyniajučysia i pierad pramymi abrazami.
Sam deputacki status Šaŭčenki biełaruskaja prapahanda ŭsialak vykarystoŭvaje dla imitacyi lehitymnaści ciapierašniaj biełaruskaj ułady ŭ vačach palityčnaj elity susiedniaj krainy.