Вайна ва Украіне. Шаснаццаты дзень АНЛАЙН
Да расійска-ўкраінскай вайны па-ранейшаму прыкаваная ўвага ўсяго свету. Ідуць баі, ёсць спробы эвакуацыі мірных жыхароў. Колькасць ахвяраў і стратаў з абодвух бакоў расце, перспектыў спынення агню пакуль не праглядаецца. Сустрэча міністраў замежных спраў Расіі і Украіны ў Турцыі прагназавана нічога не дала — зрэшты, ніхто на яе пазітыўныя вынікі і не спадзяваўся. Больш важна, ці ўдасца ўкраінцам усё ж выбіць у НАТА самалёты ці ўсталяванне беспалётнай прасторы над Украінай. А таксама ці змогуць яны на гэтай хвалі хутка атрымаць афіцыйны статус кандыдата на ўступленне ў Еўрасаюз. Пакуль што і адно, і другое пад вялікім пытаннем. Салідарнасць свету ж па-ранейшаму вялікая. «Наша Ніва» сочыць за развіццём падзей.
11.03.2022 / 01:38