Vajna va Ukrainie. Vasiamnaccaty dzień ANŁAJN
«Vałnavachi bolš niama», ‒ zajaviŭ 12 sakavika hubiernatar Danieckaj vobłaści Pavieł Kirylenka. Bolšaść ludziej, pa jaho słovach, źjechali, a infrastruktura razburana. 17 dzion rasijskija vojski brali maleńkuju Vałnavachu. 17 dzion trymajecca ruskamoŭny horad-hieroj Charkaŭ, stanovišča ŭ jakim vidavočcy apisvajuć jak apakalipsis. Jeŭropa ledź spraŭlajecca z maštabnym mihranckim kryzisam. Polskija ŭłady paviedamili ŭ subotu, što pryniali 1,6 młn uciekačoŭ za čas vajny. Kala miljona ŭkraincaŭ zastalisia ŭ Polščy, astatnija adpravilisia ŭ inšyja jeŭrapiejskija krainy. Haradskija ŭłady Varšavy i Krakava kažuć, što ich resursy ŭžo na miažy. U subotu Ukraina ŭpieršyniu nazvała kolkaść zahinułych vajskoŭcaŭ ‒ 1300 čałaviek. Kolkaść zahinułych rasijskich vajskoŭcaŭ ukrainskija ŭłady aceńvajuć u 12 000 čałaviek. Pieramovy Ukrainy z Rasijaj praciahvajucca bieśpierapynna ŭ videafarmacie, stvorany śpiecyjalnyja pracoŭnyja padhrupy, paviedamiŭ daradca kiraŭnika Ofisu prezidenta Ukrainy Michaił Padalak. «NN» sočyć za raźvićciom padziej.
13.03.2022 / 01:01