Усевалад Сцебурака. Хацелі быць Трэцім Рымам, а сталі Чацвёртым Рэйхам. Верш
16.03.2022 / 09:08
* * *
Хацелі быць Трэцім Рымам,
а сталі Чацвёртым Рэйхам.
Жыццё праляцела міма
з шалёным сабачым брэхам.
Хацелі мацней у балеце,
хацелі сады на Марсе,
Гагарын ляцеў на ракеце…
Усё знікла ў крывавым фарсе.
І зноўку пад кірзавым ботам
зямля захлынецца ад болю.
І ўсё адкладзецца на потым
і не надыдзе ніколі…