«Čamu pradajacie? Vam nie padyšli?» Žančyny trolać śpiekulantaŭ, što pierapradajuć hihijeničnyja prakładki
22.03.2022 / 17:55
Prablemy sa srodkami žanočaj hihijeny źjavilisia paśla taho, jak Procter & Gamble, uładalnik brendaŭ Always, Tampax, Naturella i Discreet, abviaściŭ pra abmiežavańnie asartymientu ŭ Rasii. Spažyvieckim ažyjatažam skarystalisia śpiekulanty. Žančyny ŭ sacsietkach dali im svoj adkaz, piša TJ.
U Rasii žanočyja prakładki stali deficytnymi, ceny na ich uźlacieli da 500 rubloŭ za maleńkuju ŭpakoŭku. Z-za strachu deficytu pakupniki skuplajuć pa 20-30 pačkaŭ za raz.
Zatoje prakładki zjavilisia na placoŭcy abjavaŭ «Avita». Tam pradaŭcy prapanujuć nabyć maleńkuju ŭpakoŭku ź dziesiaci štuk za 300 rubloŭ, a vialikuju ‒ za 500 rubloŭ i vyšej. Da deficytu maleńkaja ŭpakoŭka prakładak kaštavała kala 100 rubloŭ, a vialikaja — 200.
U sacsietkach vykazali zdahadku, što vinavatymi ŭ deficycie stali mienavita pierakupščyki.
Abjavy, jakija publikavalisia pad mužčynskimi imionami, stali abjektami žanočaha fłešmoba. Dziaŭčaty pačali masava pytacca ŭ pierakupščykaŭ z mužčynskimi imionami pryčynu prodažu prakładak.
Na fonie abmierkavańnia @mpojarsky pasprabavaŭ pierakanać dziaŭčat, što «śpiekulanty — heta ich siabry», bo jany «vyrašajuć prablemu ałakacyi resursaŭ», «dastaŭlajučy» prakładki z Maskvy ŭ rehijony, dzie srodki žanočaj hihijeny «patrebniejšyja». Na jaho dumku, «zvyčajny biznes budzie pierabudoŭvacca 300 hadoŭ» pad hetuju situacyju.
Žančyny znoŭ nie zmaŭčali.
Nu i, kaniečnie, znajšli, jak adpomścić.