Anžaliku Borys pieraviali na chatni aryšt
Staršynia Sajuza palakaŭ Biełarusi Anžalika Borys na svabodzie. Jana ŭ vioscy pad Hrodna, kamunikavać z polskimi dypłamatami joj zabaroniena. Prašeńnia ab pamiłavańni jana nie pisała.
25.03.2022 / 17:39
Juryj Vaskrasienki, jakomu daručana ŭładami kamunikacyja nakont pamiłavańnia palitviaźniaŭ, nazvaŭ vyzvaleńnie Borys «miłasernym» rašeńniem Łukašenki, paśla jakoha biełaruski bok spadziajecca pačać narmalizacyju adnosin polskaha i biełaruskaha bakoŭ.
Źmiena miery strymańnia dla Borys — heta ŭžo druhi žest na adras «ačmurełych palakaŭ». Pieršym była departacyja reštak mihrantaŭ z Bruzhoŭ. Usio heta — na fonie pravalnaj rasijskaj apieracyi va Ukrainie i va ŭmovach znachodžańnia rasijskich vojskaŭ u Biełarusi.
Anžalika Borys była zatrymanaja hod tamu, 23 sakavika 2021 hoda. Jana prachodziła pa spravie ab «raspalvańni relihijnaj i nacyjanalnaj varožaści» (častka 3 artykuła 130 KK).
Pa hetaj spravie byli aryštavanyja aktyvistki Sajuza palakaŭ ź Lidy, Vaŭkavyska i Bresta Irena Biarnackaja, Maryja Ciškoŭskaja i Hanna Panišava. Praź niekalki miesiacaŭ utrymańnia ŭ SIZA ich vyzvalili i prymusili pakinuć Biełaruś.
Hrodzienski žurnalist Andrej Pačobut byŭ aryštavany roŭna hod tamu, 25 sakavika 2021 hoda. Jon praciahvaje zastavacca za kratami.