Usio charašo...
Minadukacyi: U novym navučalnym hodzie prykładna 57% ahulnaadukacyjnych ustanoŭ Biełarusi buduć pracavać na biełaruskaj movie.
19.08.2009 / 10:06
Takija źviestki pryviała 18 žniŭnia na pres-kanfierencyi ŭ Minsku namieśnik ministra adukacyi Taćciana Kavalova. Pavodle jaje słoŭ, prykładna stolki ž biełaruskamoŭnych škoł naličvałasia ŭ krainie i letaś.
Niahledziačy na toje što biełaruskamoŭnych škoł u krainie bolš, čym ruskamoŭnych (bolšaść škoł u sielskaj miascovaści aficyjna źjaŭlajucca biełaruskamoŭnymi - BiełaPAN), u ich vučycca mienš dziaciej, adznačyła namieśnik ministra.
Pavodle źviestak Minadukacyi, na pačatak minułaha hoda ŭ ahulnaadukacyjnych biełaruskamoŭnych ustanovach usich typaŭ vučylisia 195 tys. 592 vučni (18,4% ahulnaj kolkaści), u tym liku 14 tys. 712 pieršakłaśnikaŭ (16,7% ahulnaj kolkaści pieršakłaśnikaŭ). U haradach hety pakazčyk składaje ŭsiaho 1,9%.
Pavodle słoŭ Kavalovaj zaličeńnie ŭ biełaruskamoŭnyja škoły i kłasy adbyvajecca pa žadańni dziaciej i baćkoŭ.
U Minsku, adznačyła jana, ruskamoŭnaha nasielnictva bolš, čym u inšych nasielenych punktach. Adpaviedna i ruskamoŭnych škoł u stalicy bolš, patłumačyła namieśnik ministra.