Bolš jak 700 roznych ekskursij i turaŭ raspracavana ŭ Biełarusi
19.08.2009 / 11:16
Ab hetym paviedamiŭ karespandentu BIEŁTA dyrektar departamienta pa turyzmu Ministerstva sportu i turyzmu Biełarusi Viktar Jankavienka.
Pavodle jaho słoŭ, tolki nacyjanalny park «Biełaviežskaja pušča» prapanuje turystam 15 ekskursij i turaŭ roznaj tematyki. Pryčym u suviazi z padrychtoŭkaj da śviatkavańnia 600‑hodździa zapaviednaha režymu raspracavany novyja turyscka‑ekałahičnyja maršruty, u tym liku viełasipiednyja «Źviaryny pierachod» praciahłaściu 16 km i «Carskaja palana», jaki raściahnuŭsia na 19 km, a taksama piešachodnaja ekskursija «Zapaviednaja dubrova», dzie prapanujecca prajści piechatoj 2,1 km. Akramia taho, stvorana try ekskursijnyja maršruty dla dziaciej.
Novyja turyscka‑ekskursijnyja maršruty źjavilisia i ŭ respublikanskim bijałahičnym zakaźniku «Sparoŭski». Turystam demanstrujuć bijałahičnyja abjekty, u pryvatnaści bałotnyja ŭhodździ, vydatnyja historyka‑kulturnyja miaściny, a taksama znajomiać ź miascovaj fłoraj i faunaj.