Hienprakuratura: Va Ukrainie zabrali 64 biełaruskija fury i adzin džyp
Viedamstva źviarnułasia da biełarusaŭ z prośbaj ustrymacca ad naviedvańnia Ukrainy.
30.03.2022 / 12:21
Hienprakuratura zajaŭlaje, što ŭ sakaviku byli raspačatyja 44 kryminalnyja spravy: 35 pa fakcie razbojnych napadaŭ, 8 pa fakcie rabavańniaŭ i adno — pa fakcie zabojstvaŭ.
Viedamstva paviedamlaje, što va Ukrainie skrali 64 siedłavyja ciahačy z paŭpryčepami i hruzami, taksama na kurorcie Bukaviel u biełarusa zabrali džyp «Tajota Łend Kruzier». Ahulny košt zabranaj majomaści — bolš za $4 młn.
Taksama hienprakuratura paviedamlaje pra hibiel dvuch dalnabojščykaŭ, źviazanuju nibyta z pasiahalnictvam na majomaść. Ale raniej było viadoma tolki pra biełarusaŭ, jakija zahinuli ad rakietnaha ŭdaru ŭ horadzie Koraścień. Ci raspačataja kryminalnaja sprava pa hetym fakcie, nie paviedamlajecca.