Супрацоўніка чыгункі затрымалі за перадачу фота тэлеграм-каналу
31.03.2022 / 14:37
Праўладныя тэлеграм-каналы паведамляюць пра затрыманне ў Гомельскай вобласці 43-гадовага Аляксандра Лучыновіча.
Прычына — перадача аднаго фота расійскай вайсковай тэхнікі тэлеграм-каналу «Беларускі Гаюн», які 15 сакавіка быў прызнаны экстрэмісцкім фармаваннем.
Паводле папярэдняй інфармацыі, Аляксандру інкрымінуецца арт. 361-1 КК («удзел у экстрэмісцкім фармаванні») і арт. 361-4 КК («садзейнічанне экстрэмісцкай дзейнасці»).