Surova, ale spraviadliva - Vasilevič pra śmiarotnaje pakarańnie
19.08.2009 / 16:01
Surovymi, ale spraviadlivymi ličyć hienieralny prakuror Ryhor Vasilevič vyniesienyja sioleta biełaruskimi sudami dva śmiarotnyja pryhavory. Pra heta jon zajaviŭ u hutarcy z žurnalistami 19 žniŭnia.
Nahadajem, 29 červienia da vyšejšaj miery pakarańnia Brescki abłasny sud pryhavaryŭ 30‑hadovaha žychara Drahičynskaha rajona za zabojstva siami pažyłych žančyn. 17 lipienia Minski abłasny sud pryznačyŭ śmiarotnuju karu 25‑hadovamu žycharu Salihorskaha rajona, jaki byŭ pryznany vinavatym u zabojstvie dvuch rabotnikaŭ SPK «Balšavik‑Ahra», jakija pieravozili hrošy dla vypłaty zarpłaty.
«Hetaja miera adkaznaści surovaja, ale spraviadlivaja. Pakul naš Kryminalny kodeks nie źmienieny ŭ hetaj častcy, i Kanstytucyja dapuskaje prymianieńnie śmiarotnaj kary», — skazaŭ hienprakuror.
Jon upeŭnieny, što prymianieńnie śmiarotnaj kary za takija złačynstvy «całkam abhruntavanaje».
Varta zaznačyć, što roznyja mižnarodnyja arhanizacyi ŭžo praciahły čas zaklikajuć Biełaruś uvieści maratoryj na śmiarotnuju karu.