Ëść tolki siem rajonaŭ Biełarusi, u jakich za apošnija dva hady nasielnictva vyrasła
Za apošnija dva hady tolki pa aficyjnych danych nasielnictva Biełarusi pamienšyłasia na 154 tysiačy čałaviek. Pahladzieli, u jakich rehijonach jano skaraciłasia najbolš. Na fonie hetaj tendencyi vyłučajucca siem rajonaŭ, dzie žycharoŭ paboleła.
01.04.2022 / 11:08
My paraŭnali ličby Biełstata pa stanie na 1 studzienia 2020 hoda i 1 studzienia 2022 hoda, kab ubačyć roźnicu, jakuju prynios pieryjad epidemii kavidu i represij.
10 rehijonaŭ, dzie nasielnictva skaraciłasia najbolš:
- Minsk — minus 24,1 tysiačy čałaviek,
- Homiel — minus 6,3 tysiačy čałaviek,
- Viciebsk — minus 4,4 tysiačy čałaviek,
- Aršanski rajon — minus 4,1 tysiačy čałaviek,
- Barysaŭski rajon — minus 3,6 tysiačy čałaviek,
- Śvietłahorski rajon — minus 2,8 tysiačy čałaviek,
- Salihorski rajon — minus 2,7 tysiačy čałaviek,
- Babrujsk — minus 2,5 tysiačy čałaviek,
- Połacki rajon — minus 2,4 tysiačy čałaviek,
- Rečycki rajon — minus 2,2 tysiačy čałaviek,
Minsk za hetyja dva hady straciŭ status dvuchmiljońnika. Žycharoŭ robicca mieniej i ŭ pramysłovych rajonach.
Pry hetym jość harady i rajony, dzie zafiksavany pryrost.
Rehijony, dzie nasielnictva vyrasła:
- Minski rajon — plus 13,2 tysiačy čałaviek,
- Smalavicki rajon — plus 1,6 tysiačy čałaviek,
- Brest — plus 1 tysiača čałaviek,
- Astraviecki rajon — plus 800 čałaviek,
- Hrodna — plus 600 čałaviek,
- Dziaržynski rajon — plus 500 čałaviek,
- Brescki rajon — plus 100 čałaviek.