Vystavili na aŭkcyjon pamiaškańnie čyhunačnych kas u Minsku. Jakaja cana?
Biełaruskaja čyhunka vyrašyła pradać na aŭkcyjonie pamiaškańnie ŭ histaryčnym budynku na vulicy Kirava, 2 (nasuprać vakzała), u jakim raniej pracavali mižnarodnyja kasy.
01.04.2022 / 12:33
Pra tarhi paviedamlaje Minski haradski centr nieruchomaści.
Pamiaškańnie zajmaje płošču 239,3 kvadratnaha mietra. Pavodle vypisu z Adzinaha dziaržrehistra nieruchomaj majomaści, heta «pamiaškańnie nieŭstanoŭlenaha pryznačeńnia». Jano ciapier znachodzicca va ŭłasnaści Respubliki Biełaruś i ŭ haspadarčym padparadkavańni Minskaha adździaleńnia Biełaruskaj čyhunki, paviedamlaje Realt.by.
Pačatkovaja cana — 1 772 080 rubloŭ (na siońnia heta kala 545 tysiač dalaraŭ). U košt uvachodzić taksama niekatoraje abstalavańnie, jakoje zastałosia paśla zakryćcia kas.
Aŭkcyjon projdzie 6 maja ŭ Minskim haradskim centry nieruchomaści.