За фота расійскай вайсковай тэхнікі затрыманы айцішнік
Стала вядома пра затрыманне ў Гомельскай вобласці 30-гадовага IT-спецыяліста Андрэя Уткіна.
01.04.2022 / 15:04
На праўладных тэлеграм-каналах паведамляецца, што мужчына сфатаграфаў калону расійскай вайсковай тэхнікі і даслаў каналу «Беларускі Гаюн», які 15 сакавіка быў прызнаны экстрэмісцкім фарміраваннем.
Паводле папярэдняй інфармацыі, Андрэю інкрымінуецца арт. 361-1 КК («удзел у экстрэмісцкім фарміраванні») і арт. 361-4 КК («садзейнічанне экстрэмісцкай дзейнасці»), паведамляюць праваабаронцы.
Яму пагражае да 6 гадоў зняволення.