Ukrainski ministr zamiežnych spraŭ: Pucin staŭ bolš realistyčnym u dačynieńni da svajoj vajennaj stratehii
Kiraŭnik MZS Ukrainy Dźmitryj Kuleba vykazaŭsia, što Pucin staŭ kudy bolš realistyčnym u dačynieńni da svajoj vajennaj stratehii
01.04.2022 / 22:16
Dźmitryj Kuleba.
«Ja miarkuju, što jon užo staŭ bolš realistyčnym, bo nie mahu ŭjavić, kab vyvad vojskaŭ Rasii z poŭnačy Ukrainy byŭ samavolnym.
Kali pieravieści hetyja niadaŭnija manieŭry na čałaviečuju movu, heta litaralna aznačaje, što ŭ jaho niedastatkova siłaŭ dla napadu na Ukrainu z troch napramkaŭ adnačasova. Tamu jon pierakidaje častku siłaŭ na inšy kirunak, kab umacavać armiju ŭ hetym rajonie», — skazaŭ jon.
Kuleba vykazaŭ zdahadku, što heta źviazana z atakaj na Danbas.
«My atrymali raźvieddanyja, što jany ŭsio jašče hladziać na Danbas jak na płod, jaki treba sarvać. Im treba pierahrupavać resursy i padrychtavacca da bitvy za Danbas».