Запусцілі сайт-навігатар па аўдыякнігах на беларускай мове і беларускіх аўтараў
На audiobooks.by можна знайсці як сучасную літаратуру, так і класічную. Ёсць дзіцячыя творы. Сайт не змяшчае самі кнігі, а дае спасылкі на пляцоўкі, дзе іх можна паслухаць альбо набыць.
03.04.2022 / 11:16
«На дадзены момант запісана шмат беларускіх аўдыякніг, але яны раскіданы па розных кутках інтэрнэту. Таму бывае цяжка высветліць, ці ёсць кантрэтная кніга ў аўдыяфармаце, альбо паглядзець усе аўдыякнігі аўтара. Дапамагчы вам зможа гэты сайт. На дадзены момант на сайце сабраны спасылкі на 342 кнігі з такіх крыніц, як «Кніжны Воз», «Беларуская палічка», «Камунікат», «Радыё Свабода», Беларускі ПЭН-цэнтр, Мінінфарм і іншых», — паведамляюць стваральнікі навігатара.