Ландсбергіс: Літва разглядае пытанне закрыцця межаў з Беларуссю і Расіяй
Міністр замежных спраў Літвы Габрыэлюс Ландсбергіс сёння заявіў журналістам, што Літва сур'ёзна разглядае пытанне аб закрыцці мяжы з Беларуссю і Расіяй.
04.04.2022 / 18:35
Габрыэлюс Ландсбергіс. Фота: tv3.lt
«Ідуць дыскусіі. Дакладнай даты назваць не магу. Калі будуць прынятыя рашэнні, якія трэба будзе выпрацаваць, тады і аб'явім», — сказаў міністр замежных спраў прыбалтыйскай Рэспублікі Габрыэлюс Ландсбергіс.
Адно з ключавых пытанняў, якія могуць паўстаць пры прыняцці гэтага рашэння — транзіт паміж Беларуссю і Калінінградскай вобласцю Расіі. Праблема ў тым, што гэтае пытанне рэгулюецца пагадненнем Расіі і Еўрасаюза, і самастойна Літва рашэнне па яго спыненні прыняць не можа.