BiełTA dało raskaz uciekačoŭ z Maryupala, jak horad bambili, nie zhadaŭšy, chto bambiŭ
5.04.2022 / 19:5
BiełTA napisała pra toje, jak praz Brest u Jeŭropu dabirajucca ŭciekačy z Maryupala, pieršapačatkova vyviezienyja ŭ Rasiju. Raskazvajecca, jak im dapamahajuć miascovyja vałanciory i pieradajucca raskazy biežancaŭ, jak jany žyli pad abstrełami.
«Ranicaj 24 lutaha my pačuli pieršyja vybuchi. Doma ja była z dvuma dziećmi. Ich pakłała ŭ pryłaźniku, nakryła koŭdrami i stała čakać brata. Kali jon pryjechaŭ za nami, na zbory daŭ 10 chvilin. My brali pieršyja, jakija trapili pad ruku, rečy, dakumienty. Vyjechali ŭ rajon u centry Maryupala. Dumali, tam budzie nadziejniej. Pražyli ŭ adnym domie niekalki dzion, a potym tudy prylacieŭ snarad. Na vačach razbambili susiedni dzieviacipaviarchovik, i my pajechali ŭ inšy rajon. Tam taksama razbambiła dom, my i adtul vyjechali», — uspaminaje žančyna z Maryupala.
Pry hetym cikava, što žurnalisty BiełTA, pišučy repartaž, umudrylisia abyjści pytańnie, čyje ž snarady lacieli na Maryupal. U tekście pra heta nidzie nie zhadvajecca.